Pesë ukrainas të vrarë nga sulmet e raketave ruse

Rusia qëlloi me raketa pranë dy qyteteve në rajonin qendror Vinitsia të Ukrainës këtë të hënë, duke vrarë pesë persona dhe duke plagosur 18 të tjerë.

Ky ishte raportimi i guvernatorit Borrzov i cili tha se raketat kishin në shënjestër infrastrukturën e transportit pranë qyteteve.

“Armiku po përpiqet të godasë infrastrukturën kritike”, tha ai në një video të publikuar në aplikacionin e mesazheve Telegram.

Kreu i kompanisë shtetërore hekurudhore tha se pesë stacione hekurudhore kishin marrë flakë në Ukrainën perëndimore dhe qendrore brenda një ore të hënën në mëngjes dhe se numri i viktimave ishte duke u verifikuar.

LEXONI GJITHASHTU:

• OSBE kërkon lirimin e menjëhershëm të zyrtarëve të saj në Ukrainë