Pesë viktima nga COVID-19, numri i të shëruarve më i lartë se infektimet

Pesë persona kanë humbur jetën në 24 orët e fundit si pasojë e COVID-19 në Shqipëri. Ministria e Shëndetësisë në raportin ditor thotë se janë zbuluar 508 raste të reja nga 3074 teste të kryera.

Në orët e fundit listës totale të të shëruarve i janë shtuar 693 persona. Në spitalet COVID janë aktualisht të shtruar 161 pacientë, ndërsa 20 prej tyre ndodhen në gjendje të rëndë shëndetësore.

Më pesë jetët e humbura në orët e fundit, numri total i viktimave nga COVID-19 ka shkuar në 2788, që nga fillimi i pandemisë.

Në 12 qarqet e vendit numërohen 6682 raste aktive, ndërsa Tirana kryeson pasi ka dhe numrin më të lartë të popullsisë.

Rastet aktive sipas qarqeve:

Tiranë 3043
Durrës 810
Fier 644
Shkodër 528
Vlorë 287
Elbasan 291
Lezhë 237
Berat 222
Gjirokastër 203
Kukës 154
Korçë 146
Dibër 117.

Autoritetet përkatëse u bëjnë thirrje qytetarëve t’i drejtohen qendrës më të afërt shëndetësore, me qëllim që të marrin vaksinën mbrojtëse ndaj virusit vdekjeprurës të COVID-19.