Pesha e votës duhet të jetë e barabartë për çdo shqiptar, thotë Shabani

Kryetari i Nismës Thurje, Endri Shabani thotë se çdo shqiptar, që jeton në Shqipëri ose jashtë saj duhet të ketë të drejtën për të votuar.

Në emisionin “Now” në “Euronews Albania”, Shabani u shpreh se pesha e votës duhet të jetë e barabartë.

“Vota nuk është privilegj, t’ia japim atij që është më i informuar dhe jo atij që është më pak i informuar.  E drejta për të votuar është në themel të demokracisë. I informuar ose jo, çdo shqiptar që jeton në Shqipëri ose jashtë duhet të ketë të drejtën për të votuar. Pesha e votës duhet të jetë e barabartë”, tha Shabani.

Ditë disa më parë, kryeministri Edi Rama ka deklaruar se shqiptarët e diasporës mund të konsiderohen si zonë e veçantë elektorale, pra qark i 13-ë.

LEXONI GJITHASHTU

• ‘Diaspora si zonë e veçantë elektorale’, Berisha: Rama fyen shqiptarët

• Kim: Të merren masa për votat e diasporës, zgjedhjet e 25 prillit jo perfekte

• Votimi nga jashtë vendit mundësohet në vjeshtën e 2023-shit, thotë Celibashi