Petro Gjikuria prezantohet në Himarë: S’ka më kohë për të humbur, jemi të bekuar

Kandidati për kryetar bashkie në Himarë nga radhët e opozitës së bashkuar, Petro Gjikuria ka nisur fushatën në Himarë. Ndalesa e parë, ku po zhvillon prezantimin me banorët e zonës është Himara fshat.

Në fjalën e tij para mbështetëseve të tij, Gjikuria e cilësoi të sotmen një ditë historike pasi siç tha është një ditë pasi Fredi Beleri u zgjodh eurodeputet.

“Sot Himara ka eurodeputetin e saj, erdhi momenti që të ketë edhe kreun e bashkisë. Për këtë shpalla edhe kandidaturën dhe ftova të gjitha partitë politike të mbështesin këtë kandidaturë. Për 12 vite patëm një kryetar bashkie partiak i punësuar i qeverisë që shpenzoi shumë kohë për të bërë shumë pak. Kur himarjotët vendosën të ndryshonin kryetarin s’u lejuan, Himara mbeti pa kryetar. Qeveria i detyron kryetarët e bashkive të firmosin. Unë e dua Himarën, bashkia Himarë nuk ka më kohë për të humbur, një vend i tillë i bekuar ka mbetur pas ndërsa bota përparon, sot nuk është e denjë të vazhdojë kështu. Mora përsipër të marr një hap, të shpall kandidaturën time për kryebashkiak të Himarës, të ecim së bashku përpara për të nesërmen e Himarës”, tha mes të tjerash Gjikuria.

LEXONI GJITHASHTU:

• Zgjedhjet e 4 gushtit, Koçi: Më mirë 1 grek që e do Himarën, se sa 1 shqiptar që…
• A do ketë kandidat për zgjedhjet në Himarë? Përgjigjet Basha