Zgjedhjet e 4 gushtit, Koçi: Më mirë 1 grek që e do Himarën, se sa 1 shqiptar që…

Deputeti i Partisë Socialiste, Petro Koçi, ishte i ftuar këtë të mërkurë në Euronews Albania, ku analizoi zhvillimet më të fundit politike. Në fjalën e tij, Koçi, u ndal dhe te zgjedhjet në Himarë që pritet të mbahen më 4 gusht.

Poçi tha se kandidimi i minoritarit Vangjel Tavo, në Himarë, i cili kërkon marrëdhënie të mira Shqipëri-Greqi, është më mirë se kandidimi i shqiptarëve që duan më shumë Greqinë se sa Shqipërinë.

“Më mirë të votosh një grek që e do miqësinë shqiptaro-greke dhe që e do Himarën, se sa të votosh një shqiptar i cili do më shumë Greqinë se sa Himarën. Edhe ky që iku dhe ky që po vjen janë kandidatë që më shumë duan Greqinë dhe helenizmin se sa Himarën. Kam thënë dhe një gjë tjetër, edhe sikur në Greqi të kandidojë në një njësi vendore dikush që do më shumë Shqipërinë se sa Greqinë edhe unë s’jam dakord.

Duhen njerëzit që i dedikohen vendit dhe njësisë vendore ku kandidojnë. Kjo platforma e “Vorio-Epirit” është një platformë e rrezikshme, një platformë që cënon integritetin territorial të Republikës së Shqipërisë dhe këta janë persona që janë të lidhur me këta persona. Vetë mbështetja e Greqisë ndaj këtyre personave është kompromentuese”, tha Koçi.

LEXONI GJITHASHTU:

• Ekskluzive/ Jo Petro Beleri, shqiptaro-amerikani kandidat për Himarën
• Vangjel Tavo zyrtarisht kandidati i PS për bashkinë Himarë
• Dënohet me 2 vjet burg Fredi Beleri