Piktura e artistit të njohur austriak shitet për çmimin rekord

Vepra e fundit e artistit austriak Gustav Klimt është shitur në ankand 86 milionë euro duke vendosur një rekord të ri për pikturën më të shtrenjtë të shitur ndonjëherë në Evropë.

Piktura e njohur si  ‘Zonja me  freskuese’ pritej të shitej rreth 76 milionë euro por shifra  theu çdo parashikim.

I përshkruar si një “portret i bukur, i pasur dhe tërheqës i një gruaje pa emër”, portreti u gjet në kavaletin e artistit në studion e tij kur ai vdiq papritur në shkurt 1918 në moshën 55-vjeçare.

Helena Newman, nga shtëpia e Ankandit  Sotheby’s, tha se  vepra ishte pikturuar gjatë kulmit artistik të Klimt-it, kur ai po krijonte disa nga veprat e tij më të famshme dhe eksperimentale. “Gruaja me Freskuese” pasqyron ndikimin e lëvizjes japoneze në artin modern dhe stilin unik të Klimt-it.

“Shumë nga ato vepra, sigurisht portretet për të cilat ai njihet më shumë, ishin porosi”, tha Newman.

Shitja e pikturës vuri një rekord të ri duke u bërë vepra më e shtrenjtë e artit  duke mposhtur skulpturën e Alberto Giacometti-t The Walking Man I, e cila u shit gjithashtu në Londër në 2010 për 65 milionë paund.

LEXONI GJITHASHTU:

• Piktura nga fëmijët ukrainas, përjetimet e treguara përmes ngjyrave 
• Falsifikoi pikturat e artistit të njohur, 5 vite burg për ish-drejtorin e ankandit