Vitet e fundit është shtuar konsumi i cigares tek të miturit në vendin tonë, sipas të dhënave nga Organizata Botërore e Shëndetësisë, (OBSH), ku grupmosha 13-15 vjeç mbetet problematike.
Shihet një tendencë gjithnjë e në në rritje te përdorueset gra sa i përket duhanpirjes, madje edhe në mosha të vogla.
Emisioni “Mirëmëngjes” në “Euronews Albania”, ka publikuar statistikat për periudhën 2015-2020, ku shihet se ka një dyshifim të të miturve që konsumojnë duhanin, si tek vajzat ashtu edhe tek djemtë.
Gjithashtu, edhe numri i të miturve që konsumojnë cigare elektronike është dyfishuar, për të njëjtën periudhë.
Për shkak të përdorimit të cigareve për një kohë të gjatë, shifrat mbeten alarmante sa i përket vdekshmërisë nga duhanpirja. Në Shqipëri, çdo vit vdesin 4,500 persona nga sëmundje që shkakton duhanpirja
Qarqet me numrin më të madh të duhanpirësve të moshës 15-49 vjeç janë Vlora me 45%, ndjekur nga Tirana dhe Berati me 42%.
LEXONI GJITHASHTU