Pjesë e grupit që u kap me arsenal armësh, kush është policja e burgjeve e arrestuar

Pesë persona kanë përfunduar në prangat e policisë së Tiranës, pasi tentuan të trafikonin armë zjarri nga Shkodra në drejtim të kryeqytetit.

Burime për Euronews Albania bëjnë me dije se mes të arrestuarve është dhe një punonjëse e policisë së burgjeve, Denisa Halilaj, 22-vjeçe.

Armët u gjetën brenda një valixheje në bagazhin e një automjeti që ndodhej në një parkim pranë rrugës së Rinasit.

Krahas punonjëses së burgut u arrestuan dhe shtetasit Sabian Hasaj, Redi Nika, Denis Hasaj dhe Mirjan Hasaj. Ky i fundit personi që drejtonte mjetin tip BMW ku u gjetën armët.

Gjatë kontrolli në mjetin që drejtohej nga shtetasi Mirjan Hasaj, u gjet dhe valixhja brenda të cilës u sekuestruan 9 armë zjarri, 4 automatikë dhe 5 pushkë,  por dhe krëhra e municion luftarak.

Policia bën me dije se gjatë operacionit u sekuestruan 4 automatikë dhe 5 pushkë, krëhra e municion luftara, si dhe 2 automjete e 5 aparate celularë.

Nga verifikimet e kryera ka rezultuar se këta shtetas pasi i kishin siguruar armët në Shkodër, i kishin sjellë në Tiranë për ti shitur tek persona të tjerë.

Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale.

LEXONI GJITHASHTU:

• EMRAT| Kapet arsenal armësh brenda një makine në Rinas, arrestohen 5 persona
• Iu gjetën armë zjarri e municione në banesë, arrestohen babë e bir