Pjesëmarrja në protesta, Florian Binaj: Kam pasur presione

Aktori Florian Binaj thotë se ka pasur presione për shkak të pjesëmarrjes në protesta.

Në emisionin “Barometri” në Euronews Albania, Binaj u shpreh se të shumtë janë ata që kanë braktisur protestet, pasi kanë përfituar diçka nga qeveria.

“Një tjetër problem, është fakti që gjatë gjithë këtyre viteve, të shumtë kanë qenë ato figura të njohura dhe të panjohura, që kanë dalë për të mbrojtur një çështje dhe mbrapa i është mbyllur goja, zëri sepse kanë përfituar diçka. Patjetër që kam pasur, jo të drejtpërdrejta”, theksoi Binaj.

Barometri në Euronews Albania ka pyetur shqiptarët nëse kanë njohuri për organizmat e shoqërisë civile.

Gjetjet e sondazhit kanë rezultuar se shqiptarët konsiderojnë si “shoqëri civile” vetëm disa kategori të tyre, siç janë: organizatat mjedisore dhe organizatat për të drejtat e njerëzve apo kafshëve.

Të pyetur nëse, janë pjesë e shoqërisë civile organizatat me karakter fetar, vetëm 44.4% e qytetarëve janë përgjigjur: “PO”, ndërsa 55.6% janë përgjigjur “JO” ose “NUK E DI”.

LEXONI GJITHASHTU

• Pse shqiptarët nuk firmosin peticione? Florian Binaj: Nuk kanë rezultat
• Shqiptarët asnjë interes për OJF-të, Ervin Goci: Tregon si është ndërtuar shoqëria
• Florian Binaj: Njerëzit nuk janë pjesë e Shoqërisë Civile se kanë frikë