Plagosen 2 punonjës të Kurum në Elbasan, po montonin një pajisje të re

Dy punonjës në ish-zonën e Kombinatit Metalurgjik në Elbasan kanë mbetur të plagosur të hënën.

Incidenti i rëndë ka ndodhur gjatë kësaj të hëne në një nga uzinat e Kurum International, në ish- kombinatin Metalurgjik të Elbasanit.

Burimet për Euronews Albania konfirmojnë se gjatë provave të instalimit të një makinerie ka ndodhur një aksident i rëndë. Për pasojë, një inxhinier dhe një punëtor kanë mbetur të plagosur.

Të plagosurit  janë transportuar fillimisht në Spitalin Rajonal të Elbasanit dhe më pas për një trajtim më të specializuar në një spital privat.

Dyshohet se aksidenti ka ndodhur si pasojë e mosnjohjes së procesit teknologjik të makinerisë që inxhinieri dhe një punëtor po tentonin ta vinin në punë. Ndërkohë, policia e Elbasanit ka dokumentuar ngjarjen e cila po hetohet nga Prokuroria.

LEXONI GJITHASHTU:

• Ndotja nga zjarri në Kurum/ Ambientalistët: Materialet e djegura kanceroze
• Vijon prej 24 orësh zjarri në fabrikën Kurum, ndotje katastrofike në ambient