Një i ri është plagosur me thikë pasditen e djeshme në Korçë. Sipas burimeve, 27-vjeçari identiteti i të cilit ende nuk dihet është paraqitur në urgjencën e spitalit rajonal të Korçës, i plagosur me mjet prerës në bark.
Sipas informacioneve paraprake gjithçka ka ndodhur pas një sherri në zonën e quajtur “Trekëndëshi” në Korçë, ku gjatë përleshjes i riu ka mbetur i plagosur.
Bëhet me dije se forcat blu të komisariatit të Korçës kanë bërë të mundur identifikimin e autorit, i cili është shpallur në kërkim. Në total janë 3 persona të shpallur në kërkim.
Mësohet se njëri prej tyre ka goditur 27-vjeçarin me thikë ndërkohë që dy të tjerët janë shpallur në kërkim pasi nuk kanë kallëzuar krimin.
Po punohet për kapjen e autorëve ndërkohë që i riu i plagosur është jashtë rrezikut për jetën.
LEXONI GJITHASHTU:
