Plagosi me thikë 15-vjeçarin në Sarandë, i mituri shoqërohet në polici

Një 12-vjeçar i cili dyshohet se ka plagosur me mjet prerës një 15-vjeçar është identifikuar dhe shoqëruar në polici.

15-vjeçari është goditur me mjet prerës në shpatull, ai është transportuar në spital për ndihmë mjekësore dhe ndodhet jashtë rrezikut për jetën.

Gjatë veprimeve të mëtejshme të policisë lidhur me ngjarjen, u gjet dhe u sekuestrua në cilësinë e provës materiale mjeti prerës që dyshohet se është përdorur gjatë konfliktit.

Njoftimi i policisë:

Sot, në mesditë, në rrugën “Adem Sheme”, lagjja nr. 2, dyshohet se gjatë një konflikti për motive të dobëta, një 15-vjeçar është goditur me mjet prerës në shpatull nga një bashkëmoshatar. I dëmtuari është transportuar në spital për ndihmë mjekësore dhe ndodhet jashtë rrezikut për jetën.

Falë veprimeve të shpejta dhe reagimit të menjëhershëm, shërbimet e Komisariatit të Policisë Sarandë bënë të mundur identifikimin e autorit të dyshuar të ngjarjes, shtetasin e mitur M. M., 12 vjeç, i cili u shoqërua në Komisariat për veprime të mëtejshme procedurale.

LEXONI GJITHASHTU:

• Makina përplas këmbësorin në Elbasan, policia arreston shoferin dhe pasagjerin
• Sulmi në Suedi, Policia: 11 të vdekur dhe disa të plagosur, vijojnë hetimet