Një 59-vjeçar është arrestuar sot në Ferizaj pasi dyshohet se ka therur me thikë katër kalimtarë rasti, dy vajza të mitura dhe dy burra.
Policia në Kosovë bëri me dije se “jemi informuar se një person i moshës madhore, në rrugët ”Enver Topalli”, ”Halim Spahija” dhe “Ejup Statovci ”, në rrethana ende të pasqaruara u ka shkaktuar lëndime të rënda trupore ( therur me thikë) 4 persona kalimtarë të rastit, dy femra ( të moshave nën 18 vjeçe dhe dy meshkuj ( të moshave madhore, rreth 29-32 vjeçare).
“Të lënduarit për ndihmë mjekësore janë dërguar në Qendrën Emergjente në Ferizaj, e më pas për trajtim të mëtejshëm mjekësor, 2 persona janë dërguar në QKUK – Prishtinë, ndërsa 2 të tjerë janë duke u trajtuar në Ferizaj.
Ekipe të shumta të policisë, përfshirë, edhe Njësinë e Reagimit të Shpejtë kanë nisur kërkimin e personit të dyshuar. Pas një pune intensive të kërkimit, rreth orës 16:40 kanë arritur që në rrugën ” Besim Rexhepi” në afërsi të qendrës tregtare ”Plus Market” të arrestojnë të dyshuarin E.S ( M/K) i moshës rreth 59 vjeçar, i cili nën masa të sigurisë është shoqëruar në stacionin e policisë në Ferizaj”, bëri me dije policia.
LEXONI GJITHASHTU:
- Përkujtohen 14 ushtarët britanikë të rënë gjatë luftës së Kosovës
- Goditi me shpullë vajzën 8-vjeçare, pezullohet trajneri i taekwandos
