Plagosi me thikë një person dhe u largua, shpallet në kërkim 51-vjeçari në Vlorë

Një ngjarje e rëndë me pasojë plagosjen me thikë të një 41 vjeçari është konstatuar pasditen e kësaj të diele në Vlorë.

Ngjarja ka ndodhur rreth orës 20:27, në lagjen “15 Tetori” në Vlorë, ku dyshohet se për motive të dobëta, 51-vjeçari me iniciale A. R. ka plagosur me thikë 41-vjeçarin me iniciale Xh. K.

I plagosuri 41-vjeç është transportuar në Spitalin Rajonal Vlorë ku po merr ndihmë mjekësore.

Nga ana tjetër, është shpallur në kërkim autori i kësaj ngjarje i cili është larguar nga vendngjarja pasi la të plagosur shtetasin Xh. K.

Njoftim i policisë

Rreth orës 20:27, në lagjen “15 Tetori”, dyshohet se për motive të dobëta, shtetasi A. R., 51 vjeç, person me precedent penal, ka plagosur me mjet prerës (thikë) shtetasin Xh. K., 41 vjeç, banues në lagjen “24 Maji”, dhe më pas është larguar nga vendi i ngjarjes.

Shtetasi Xh. K. ndodhet në Spitalin Rajonal Vlorë, nën kujdesin e mjekëve, në gjendje të rënduar shëndetësore.

Grupi hetimor ndodhet në vendngjarje dhe po punon për kapjen e autorit të dyshuar, si dhe për zbardhjen e plotë të rrethanave të ngjarjes.

LEXONI GJITHASHTU

• E qëllon disa herë me thikë, publikohet videoja e plagosjes në “Qytet Studenti”
• Akuzohet për plagosje me armë në Durrës, ekstradohet nga Frankfurti 25-vjeçari