Një 38-vjeçar në Sarandë ka përfunduar në pranga këtë të mërkurë pasi gjatë një konflikti mbrëmjen e djeshma ka plagosur me thikë një person tjetër.
Sipas njoftimit të policisë, pas kryerjes së krimit 38-vjeçari D.R., ishte larguar menjëherë.
Personi i plagosur ndodhet në spitalin e Traumës, jashtë rrezikut për jetën.
Njoftimi i policisë:
Si rezultat i kërkimeve, pas disa orësh, u bë i mundur lokalizimi, kapja dhe arrestimi në flagrancë i shtetasit: D. R., 38 vjeç, banues në Sarandë.
Ky shtetas dyshohet se më datë 24.09.2024, rreth orës 19:10, në lagjen nr. 1, pas një konflikti të çastit për motive të dobëta, ka plagosur me mjet prerës (thikë) shtetasin M. D., 38 vjeç, banues në Sarandë, i cili ndodhet në spitalin e Traumës, jashtë rrezikut për jetën.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Sarandë, për veprime të mëtejshme.
LEXONI GJITHASHTU:
- Plagosi me armë 45-vjeçarin për xhelozi, lihet në burg ish-efektivi Erjon Goxhara
- Itali| U plagosi shokun me thikë, 40 shqiptarë në burgun e Torinos rrahin marokenin
