Plagosi nënën disa herë me thikë, Gjykata e Dibrës jep vendimin për autorin

Gjykata e Dibrës ka vendosur masën e sigurisë “shtrim i përkohshëm në një spital psikiatrik” për 26-vjeçarin H.S., i cili akuzohet për plagosjen e rëndë me thikë të nënës së tij, Nexhmie Sula, 50 vjeçe.

Ngjarja ndodhi më 2 gusht në fshatin Maqellarë, pas një konflikti në familje. Sipas hetimeve paraprake, i riu, i cili kishte jetuar për një kohë të gjatë në emigracion, vuante nga gjendje e rënduar psikologjike, përfshirë stresin dhe depresionin faktorë që dyshohet se kanë ndikuar në kryerjen e kësaj ngjarjeje të rëndë.

H.Sula, i cili kishte përfunduar arsimin e lartë, akuzohet për veprën penale “Plagosje e rëndë me dashje”, parashikuar nga neni 88/2 i Kodit Penal. Nëna e tij, Nexhmie Sula, mbante detyrën e drejtoreshës së shkollës 9-vjeçare në fshatin Pocest të Dibrës.

Sipas vendimit të shpallur më 5 gusht 2025, gjykata pranoi kërkesën e prokurorisë për vlerësimin si të ligjshëm të arrestit në flagrancë dhe vendosi që ndaj të riut të aplikohet masa e sigurisë personale “shtrim i përkohshëm në një spital psikiatrik”, bazuar në nenin 239 të Kodit të Procedurës Penale.

Ekzekutimi i vendimit i është ngarkuar Prokurorisë pranë Gjykatës së Shkallës së Parë të Juridiksionit të Përgjithshëm Dibër, ndërsa palët kanë të drejtë ankimi brenda pesë ditësh nga dita e njoftimit të arsyetuar të vendimit.

LEXONI GJITHASHTU: 

Djali plagos me thikë nënën në Maqellarë, 50-vjeçarja sillet me urgjencë te Trauma

• Kush është drejtoresha e shkollës që u plagos nga djali i saj, detaje nga Maqellara
• Dibër, bashkëshorti humb kontrollin e mjetit, aksidenton për vdekje bashkëshorten
• Aksident i rëndë në Dibër, humb jetën një person