Plagosja e Kokoneshit në Divjakë, lëndohet dhe shoferi

Rreth orës 9:30 të së premtes, Orgest Xhelili ka goditur me thikë kryetarin e bashkisë Divjakë, Fredi Kokoneshi dhe shoferin e tij, shtetasin G. B., 45 vjeç.

Ngjarja ka ndodhur në afërsi të bashkisë dhe menjëherë të lënduarit janë dërguar për të marrë ndihmë mjekësore në Spitalin Rajonal Lushnjë.

Ndërkohë, autori është shoqëruar në komisariat. Ai ka qenë ish-punonjës IT në bashki.

Në vendngjarje ndodhen drejtuesit më të lartë të DVP Fier. Grupi hetimor, nën drejtimin e Prokurorisë, po punon për sqarimin e plotë të rrethanave të ngjarjes.

Nuk është hera e parë që Kokoneshi përfshihet në një konflikt. Pak kohë më parë është dhunuar nga 32-vjeçari Dritan Senekaj, në mes të qytetit.

LEXONI GJITHASHTU:

• Plagoset me thikë kreu i Bashkisë Divjakë, arrestohet autori
• KQZ kërkesë kryeprokurorit të hetojë kryetarin e bashkisë Divjakë