Plagosje me thikë në Shkodër, lëndohen 3 persona

Një konflikt mes disa nxënësve të shkollës së mesme ka përfunduar me tre të lënduar në Shkodër.

Incidenti ndodhi pranë shkollës së Gjuhëve të Huaja në afërsi të tregut të Zadrales.

Të dëmtuarit, u transportuan me urgjencë në Spitalin Rajonal të Shkodrës, ku po marrin kujdes mjekësor.

Burime spitalore bëjnë me dije se të rinjtë janë jashtë rrezikut për jetën. Rrethanat e konfliktit janë ende nën hetim.

Njoftimi i policisë:

Rreth orës 11:10, në lagjen “Kongresi i Permetit”, dyshohet se janë konfliktuar për motive të dobëta në rrugë, duke përdorur mjete prerëse, shtetasi A. K. me shtetasit F. Th. dhe K. Th. (vëllezër).

Të tre këta shtetas janë dërguar në spital, për mjekim, dhe janë jashtë rrezikut për jetën.

Grupi hetimor po punon për zbardhjen e rrethanave të rastit.

Në vijim do të jepet informacion më i plotë për rastin.

‘Pain don’t hurt’, kapelja dhe xhaketa e të miturit të plagosur pas sherrit në shkollë
3 të mitur u plagosen gjatë një sherri me thika në një shkollë në Shkodër. Njëri prej adoleshentëve të plagosur mbante një kapelë me shënimin “Pain don’t hurt”, (dhimbja nuk dhemb). pic.twitter.com/gHeDZRQWfY

— Euronews Albania (@EuronewsAlbania) December 12, 2025

LEXONI GJITHASHTU:

• Detajet nga Shkodra, gazetari: 15 nxënës të përfshirë në sherrin masiv, 3 në spital
• Plagosje në Berat, 37-vjeçari përfundon në spital! Autorët në kërkim