Plani i vrasjes së Gledis Nanos, gazetari: Si e mësoi lajmin ish-drejtori i Policisë

Gazetari Igli Çelmeta është shprehur se ish-drejtori i përgjithshëm i Policisë së Shtetit, Gledis Nano, e ka mësuar lajmin për planin për eliminimin e tij nga mediat.

Komentet Çelmeta i bëri në emisionin “Good Morning Albanians” në Euronews, ku tha se Policia duhet ta kishte lajmëruar më parë Nanon për planin e ekzekutimit ndaj tij, në mënyrë që ai të vetëmbrohej.

“Rasti me ish-drejtorin e Policisë së Shtetit, Gledis Nano, është një rast që i kalon kufijnë e një skandali për Policinë e Shtetit, pasi kur Policia ka një informacion që një grup i caktuar po planifikon dhe ka një plan për atentat ndaj ish drejtorit të Policisë së Shtetit dhe të mos e lajmërosh, është shumë e rëndë.

Përgjegjësia në Polici duhet të ishte në nivelet e duhura, duhet ta lajmëronte Nanon dhe ai është profesionist, di si të mbrohet.

Dhe ta marrë lajmin nga mediat dhe më pas të interesohet… E ka marrë lajmin pas tre muajsh, nuk e ka marrë në momentin e duhur, kur Policia kishte informacione se një grup i caktuar kishte planifikuar eliminimin e tij. Të nesërmen Policia ka kontaktuar Nanon dhe i kanë thënë po të ofrojmë një polic më tepër, kjo është tallje”, tha Çelmeta.

LEXONI GJITHASHTU:

• “Ishte sekret”- Plani i atentatit ndaj Nanos, Karamuço zbulon çfarë po heton policia
• Plan për vrasjen e Gledis Nano? Dervishi: Çfarë tregoi zhdukja e Ervis Martinaj