Platformë për financimet e partive, Celibashi: Ndihmon mbikëqyrjen efikase

Komisioni Qendror i Zgjedhjeve prezantoi sot Platformën Elektronike për Raportimin Financiar për forcimin e monitorimit të financimit të partive politike dhe transparencës së fondeve në fushatë.

Gjatë këtij prezantimi, komisioneri shtetëror i zgjedhjeve, Ilirjan Celibashi u shpreh se përmes teknologjisë nuk shuhen problemet, por kjo platformë ndihmon në rritjen e mbikëqyrjes së procesit dhe parave që shpenzohen për fushatën.

 “Kjo platformë nuk është mekanizmi që zgjidh të gjitha problematikat lidhur me raportimet e partive për sa i përket fushatave zgjedhore. Në thelb synohet mbështetja e KQZ për raportimin dhe monitorimin e financimit të partive. Platforma nuk është mekanizmi që zgjidh problemin me financimin e partive, por ndihmon administrimin dhe mbikëqyrje efikase”,-tha Ilirjan Celibashi, Komisioner Shtetëror i Zgjedhjeve

Sakaq, ambasadorja e BE në Tiranë, Christiane Hohmann theksoi se platforma u jep forcë qytetarëve për të kërkuar më tepër transparencë dhe rrit mundësitë për të luftuar korrupsionin.

 “Me një platformë të tillë, ne shohim një mundësi për të fuqizuar njerëzit, qytetarët që mund të kontrollojnë se çfarë ndodh. Qytetarët mund të zgjedhin bazuar se kë ata mendojnë se është kandidati më i mirë për punë. Në këndvështrimin tonë kjo është thelbësore, a do jetë ky fundi i sfidës? Jo, po për ne është një hap i rëndësishëm. Është i bazuar në transparencë, është po ashtu një element për të cilin po punojmë, të luftojmë realitetin e korrupsionit sepse me transparencë korrupsioni nuk ka asnjë mundësi”,-tha Christiane Hohmann,  ambasadore e BE në Shqipëri

Sa i takon financimeve të partive, brenda pak ditësh pritet që KQZ të shpërndajë fondin që iu takon për fushatën elektorale.

LEXONI GJITHASHTU:

• Zbardhen kërkesat e BE për Pekinin: Jo armë kineze për Vladimir Putin
• Çipa: Kim flet në emër të SHBA, të njëjtën gjë do thotë ambasadori i ri për Berishën
• ilirjan ce