Plumba drejt dy vëllezërve pasi i qëlloi me qytën e pistoletës, arrestohet 23-vjeçari në Tiranë

Policia e Tiranës ka arrestuar një 23-vjeçar, i cili ishte në kërkim, i dyshuar se së bashku me vëllanë e tij ka goditur me qytën e pistoletës dy vëllezër, Y. C. dhe O. C., si dhe ka qëlluar me armë zjarri në drejtim të tyre, pa i dëmtuar.

“Shërbimet e Komisariatit të Policisë Nr. 3 lokalizuan dhe kapën shtetasin S. Rr., 23 vjeç, banues në Tiranë. Ky shtetas ishte shpallur në kërkim në kuadër të operacionit të koduar “Fast Reaction”, pasi dyshohet se më datë 24.06.2025, gjatë një konflikti për motive të dobëta, së bashku me vëllanë e tij, shtetasin E. Rr. (në kërkim), kanë goditur me qytën e pistoletës, shtetasit Y. C. dhe O. C. (vëllezër), si dhe kanë qëlluar me armë zjarri në drejtim të tyre, pa i dëmtuar”, njofton policia.

Materialet procedurale janë referuar Prokurorisë për veprime të mëtejshme.