“Po bombardohet mbi Gaza”, gazetari i Euronews Albania raporton nga kufiri

Ekipi i Euronews Albania ndodhet vetëm disa kilometra afër kufirit verior të Izraelit me Rripin e Gazës.

Gazetari Thimi Samarxhi, me ndihmën e operatorit Olti Allemta solli pamje nga një fshat vetëm disa metra larg nga Gaza, ku duken shtëllungat e tymit nga bombardimet e forcave izraelite që vijojnë.

Ai tregoi se Izraeli po përgatitet të ndërmarrë një ofensivë tokësore në kufirin me Gazën.

“Është shtuar intensiteti i sulmit të Izraelit, ka një tension të madh edhe në Ashkelon, fshat izraelit ku pak më parë është bombarduar nga ana e Hamasit”, raportoi gazetari.

Izraeli paralajmëroi banorët e Gazës këtë të premte të zhvendosen nga veriu në jug, pasi në orët në vijim pritet të nis dhe ofensiva ushtarake e këmbësorisë.

Janë 1.1 milionë banorë të cilët pritet të zhvendosen, teksa përballen me mungesën e energjisë elektrike, karburantit dhe sasi të kufizuara ushqimesh.

Banorët e Gazës janë fotografuar duke bërë paketimet dhe duke u përpjekur të lëvizin drejt zonave të sigurta.

Nga ana tjetër Hamasi u ka bërë thirrje popullatës civile që t’i injorojnë thirrjet e izraelit dhe të mos zhvendosen në jug.

LEXONI GJITHASHTU:

• Euronews në kufi më Gazan, ekipi shrihet përtokë nga rreziku. Vendi ku nisen raketat
• Euronews raporton afër Gazas, tanket nisin lëvizjen. Ndodh live sulmi me raketa