Ekonomisti Pano Soko, ishte këtë të mërkurë i ftuar në emisionin “Barometri” në Euronews Albania ku u diskutua rreth objektivave të shqiptarëve për vitin 2025.

Objektivi për arritjen e balancës  së punës me kohën e lirë, ishte ende e ulët te shqiptarët, ku 47.2% e kishin si objektiv, ndërsa 50.9%, jo.

Soko tha se ky është objektivi më I rëndësishëm që duhet të ketë një shoqëri,  pasi pasojat prekin drejtë përdrejtë fëmijët.

“Kur ndodhi vrasja e 14-vjeçarit në Tiranë, fokusi I gjithë shoqërisë u kthye te ajo që në thelb kishte pikërisht këtë. Ne kaq shumë rendëm pas punës si qenie sa harruam të rrisim fëmijët. Fakti që ndërgjegjësimi është ende pak, pasojat do i shikojmë më vonë, kur fëmijët tanë të mos ta kenë të gjithë atë korpusin e nevojshëm të materies që duhet marrë nga prindi. Ne si shoqëri jemi akoma në maturim për të kuptuar që bilanci punë-kohë-familje, është një nga objektivat kryesore që duhet të ketë një shoqëri. Ky ëhstë objektivi më i rëndësishëm, sepse është në kurriz të fëmijëve”,-tha Soko.

LEXONI GJITHASHTU:

• Viti 2025: 41.9% e të rinjve objektiv të ikin nga Shqipëria
• Viti 2025: Më të pasurit objektiva më shumë të ardhura dhe balancë punë-kohë e lirë