Po kalonin me dokumente false, arrestohet një liberian dhe një shtetas kosovar

Një shtetas liberian dhe një kosovar janë arrestuar ditën e sotme pasi kanë tentuar të kalojnë kufirin me dokumente false.

Blutë bëjnë me dije se ne Rinas, janë vënë në pranga shtetasi liberian S. K., 32 vjeç, banues në Poloni dhe shtetasi B. M., 34 vjeç, banues në Kosovë.

Këta shtetas i kanë paraqitur punonjësve të Policisë Kufitare, dokumente identifikimi të dyshuara të falsifikuara, për të dalë nga Shqipëria.

Pas verifikimeve nga punonjësit e Policisë Kufitare, me pajisjet dedektuese, ka rezultuar se këto dokumente ishin të falsifikuara.

Dokumentet false janë sekuestruar në cilësinë e provës materiale, së bashku me dokumentet e identifikimit origjinale (pasaportë, ID) të shtetasit liberian, të cilat iu gjetën atij gjatë kontrollit fizik.

Materialet procedurale për këto raste i kaluan Prokurorisë, për veprime të mëtejshme, për veprën penale “Falsifikimi i letërnjoftimeve, i pasaportave ose i vizave”.

LEXONI GJITHASHTU: 

• I vuri flakën barishteve, por dogji 200 ullinj, arrestohet 66-vjeçari
• Paga minimale në Mbretërinë e Bashkuar do të rritet në vitin 2024