Po krijohen breza mbrojtës, situata nga zjarri pranë Parkut Natyror të Gërmenjës

Situata e vatrës së zjarrit në afërsi të Parkut Natyror të Gërmenjës paraqitet disi më e qetë këtë të premte, megjithatë ende ka vatra aktive (pika të kuqe).

Ato janë më të pakta në territorin tonë dhe më të shumta në territorin fqinj.

Në terren janë angazhuar rreth 40 forca nga MZSH, AdZM, Policia, punonjës të shërbimit të bashkisë si dhe vullnetarë.

Terreni është i vështirë, pasi kërkon rreth 3 orë ecje për të mbërritur në sipërfaqen e prekur, ndërkohë që nevojitet shumë kujdes për shkak të pranisë së municioneve në zonë.

Prej tre ditësh po punohet për hapjen e rrugës dhe krijimin e brezave mbrojtës kundër zjarrit, me qëllim që situata të mbahet nën monitorim dhe të pengohet, sa është e mundur, depërtimi i flakëve brenda kurorës së zonës së mbrojtur.

Pala shqiptare është gjithashtu në komunikim me palën greke për të koordinuar veprimet.

LEXONI GJITHASHTU:

• Situata e zjarreve, ISHP: Tymi ndikim negativ në shëndet
• Situata nga zjarret, MM: 23 vatra aktive, zonat më problematike