‘Po mblidhen certifikatat’, Berisha-Ramës: Do ta paguash shtrenjtë prekjen e votës

Kryetari i Partisë Demokratike, Sali Berisha ka paralajmëruar kryeministrin Edi Rama, se do e paguajë shtrenjtë prekjen e votës së shqiptarëve.

Gjatë fjalës së tij në mbledhjen me kryetarët e degëve, Berisha u shpreh se ka marrë informacion, se ka filluar mbledhja e certifikatave të qytetarëve për të vjedhur votat.

“Unë kam marrë informacion se kanë filluar që tani duke mbledhur çertifikatat. Unë do t’i them “mblidhi”, por në mënyrë absolute, ja ku jam këtu, do ta paguash aq shtrenjtë nqse prek votën sa nuk mund ta imagjinosh. Ka një kufi. Ne po votojmë vetë, po votojmë e po votojmë. Do t’i kthejmë shqiptarëve votën. Nqse ky armik i votës mendon prapë të vjedhë votën të presë të nesërmen, se ç’e pret. E them hapur.

Ne votën nuk e dorëzojmë. Data 27 prill duhej të ishte data e kryengritjes më të fuqishme që ka njohur Shqipëria për votën sepse demokratët u përballën me shtetin elektoral, u përballën me ushtrinë e patronazhistëve terroristë të kuq. Po nuk nxori mend, unë i jap fjalën e nderit se do t’i japim përgjigjen  më ekzemplare që nuk mund ta imagjinojë dhe do përgatitemi. Ne nuk duam asgjë tjetër, përveçse të votojnë shqiptarët”, theksoi kryedemokrati.

LEXONI GJITHASHTU

• ‘Na hiqni akuzën ose do flasim’, Berisha: Rama po kërcënohet për inceneratorët
• Primaret në PD, Berisha tregon cilat janë qytetet që do të votojnë të parat
• Berisha: Sulmet e Ramës ndaj universiteteve si të Enver Hoxhës