‘Po më fyen inteligjencën’, Rama debat me Tabakun në Komisionin Hetimor

Vijon debati në Komisionin Hetimor mes kryeministrit Edi Rama dhe kryetares së komisionit për inceneratorët, Jorida Tabaku.

Rama është shprehur se Jorida Tabaku po i fyen inteligjencën me pyetjet që po i drejton për çështjen  e inceneratorëve.

Debati:

Rama: Mos thoni gjëra që janë opinionet tuaja. Opinioni juaj është personal. Ju duhet të më bëni pyetje në rolin tim si Kryeministër.

Tabaku: Ju kujtohet mbledhja e qeverisë në datën 17 dhjetor?

Rama: Këtu është zbardhur në mënyrë shembullore e gjithë rruga e vendimmarrjes e akteve ligjore. Nga pikëpamja e atyre përgjigjeve individuale përpara ligjit për të cilat organi i hetimit identifikon shkeljen, është në tagrin e secilit. Me keni akuzuar si kreun e një organizate kriminale, qëndrimi im këtu përballë jush është heroikisht i ndjeshëm. Mos më cito sipas qejfit. Unë të thashë që pyetja a e mban mend një mbledhje qeverie është një pyetje që nuk bën sens.

Tabaku: Është mbledhje qeverie.

Rama: Mos me fyeni inteligjencën. E kam shumë problem kur inteligjenca më fyet. Unë i qëndroj të gjitha vendimeve një për një.