“Po ndërtojnë pa leje në “Kodrën e trimave”, avokati: Kush po e merr më qafë Belerin

Avokati i Fredi Belerit, Edmond Dema ishte këtë të enjte i  ftuar në “Now me Erla Mëhillin” në Euronews Albania ku tha se kryebashkiaku i zgjedhur i Himarës po mbahet padrejtësisht në burg.

Ai tha se Belerin po e mbajnë në burg oligarkët të cilët kanë ndërtuar e po ndërtojnë pa leje në një kodër në Himarë, të quajtur Kodra e Trimave, pasi sipas tij, ata janë të interesuar të mbajnë në pushtet kryebashkiakun aktual, pasi nga ai kanë siguri që nuk i ngacmon.

“Tani po dëgjojmë që është një kodër në Himarë që i thonë “Kodra e Trimave”, tani do dalin këto, se ata trimat atje ata po e mbajnë Fredi Belerin.

Atje janë ndërtuar një sërë objektesh pa leje, shumica e tyre kanë oficerë të lartë të policisë, të Vlorës Himarës por edhe nga Tirana, atje janë administrata e Bashkisë së Himarës, që ndërtojnë edhe sot pa leje.

Kutpohet ata nuk janë të interesuar që të vij Fredi Beleri në krye të bashkisë, por të rri ky që është tani se ky nuk i ka ngacmuar”,-tha avokati.

LEXONI GJITHASHTU:

• Ben Andoni: Armatim i frikshëm në Kosovë, ka rrezik shpërthimi
• “Koha për referendum”, Agron Duka: Të mos fitojnë më padrejtësisht!