‘Po shtypet minoriteti serb në Kosovë’, aktivistja: Çfarë shkruajnë mediat në Suedi

Aktivistja Elena Bogëjani deklaroi se mediat kryesore në Suedi, janë nën pronësinë e shtetasve serbë.

Në një intervistë për Euronews Albania, Bogëjani u shpreh se në këto media, paraqitet një realitet i kundër me atë që po ndodh në veri të Kosovës.

Sipas saj, mediat kanë shkruar se Kosova po shtyn minoritetin serb në veri.

“Media, sidomos këtu në Suedi, mediat kryesore i kanë ata që kanë kombësi ose etni serbe. Narracioni nuk është në favorin tonë. Po flas për Radio Televizionin e shtetit, redaktori kryesor është serb. Unë po flas për gazetarinë dhe pronarët e mediave, me saktësi e them këtë. Nuk është gazetari që ka raportuar se çfarë ka ndodhur në veri të Kosovës, por redaksia.

Kjo është padrejtësia më e madhe që po bëhet, sepse po duket sikur ne po duam të shtypim një minoritet që është i privilegjuar. Është një ndër minoritetet më të privilegjuara në Evropë. Për atë arsye dhe KFOR-i nuk ndërhyn, nuk i largon barrikadat, sepse e dinë se kjo betejë është e humbur, nëse eskalon pak më tutje”, theksoi ajo.

LEXONI GJITHASHTU

• ‘Mediat e huaja kërkojnë luftë në Kosovë’, gazetari: Nuk po raportojnë realitetin

• “UÇK – vlerë kombëtare” | Promovohet libri në Prishtinë, dënohet vendimi në Hagë
• SHBA reagon pas dënimit të Salih Mustafës: Nuk është vendim ndaj UÇK apo Kosovës