Ish-kryenegociatorja në dialogun e Kosovës me Serbinë Edita Tahiri komentoi gjetjet e Barometrit në Euronews Albania lidhur me mendimin e shqiptarëve në Shqipëri dhe Kosovë për bashkimin kombëtar.

Sipas saj se bashkimi kombëtar kalon në zhvillimin e Kosovës dhe Shqipërisë si shtete sipas modelit gjerman me forcimin e ligjit dhe demokracisë.

Kur të forcohen në këto parametra, nënvijëzoi Tahiri, nuk ka nevojë shumë të pyetet a po na përkrahin për bashkim kombëtar.

“Kosova ka pavarësuar një pjesë të rëndësishme të kombit dhe njeh kompleksitetin e paradigmës kombëtare. Pavarësia nuk erdhi vetëm pse ne luftuam, por edhe sepse ishte kohë e ndryshimeve të mëdha ndërkombëtare. Përfundoi lufta e ftohtë, ra sistemi komunist që ndikuan në rënien e Jugosllavisë janë rrethanat. Nuk është e qartë çfarë po ndodh në rendin e ri botëror ku kemi hyrë, disa linja të mendimin, siç mendoj edhe unë, thonë se kemi të bëjmë me luftë të re të ftohtë, jemi në garën e tokave. Për të marrë tokat ne nuk jemi të fuqishëm, as Kosova, as Shqipëria. Mendoj se bashkimi kombëtar kalon në zhvillimin e Kosovës dhe Shqipërisë si shtete sipas modelit gjerman; formimi i ligjit, demokracisë. Kur të forcohen në këto parametra, nuk ka nevojë shumë të pyetet a po na përkrahin për bashkim. Bashkimi i të gjitha tokave mund të bëhet, por po të nisë si referendum do quhet tradhti, ndaj duhet ta fillojmë nga forcimi i shteteve; ishim të zotët të ndryshonim gjeopolitikën, ishim 1 shtet tani jemi 2”, tha Tahiri.

LEXONI GJITHASHTU:

• “Ëndërr kombëtare e parealizuar”, Edita Tahiri prek me fjalët për bashkimin kombëtar
• A do të paguanin taksë për bashkimin, si përgjigjen qytetarët në Shqipëri dhe Kosovë