Në një intervistë për Euronews Albania nëna e 13-vjeçares ka rrëfyer se 64-vjeçari e kishte kërcënuar të bijën se nëse tregonte për ngacmimet do t’i vriste babanë.

Para kamerave nëna e të miturës tha se e njihnin 64-vjeçarin, pasi ishin bashkëfshatar, por nuk kishin pasur hyrje-dalje me njëri-tjetrin. Ajo deklaroi gjithashtu se ai e ka gënjyer vajzën e sipas saj ai i ka dhënë edhe lekë të miturës.

“Siç më tregoi vajza, kohë më parë e kishte kërcënuar dhe i kishte thënë që po të tregonte për ngacmimet do t’i vriste babanë. Ja ka thënë muaj më përpara. Vajza më tha që atë që mendoni ju nuk ka ndodhur. S’më ka bërë gjë, më ka bërë gjëra të tjera. Më ka prekur me dorë. E njohim si bashkëfshatar, nuk kishim hyrje-dalje.

Ka 2 ditë vajza që më tregoi pasi kapëm mesazhet që ai dërgonte në telefonin e gjyshit. Ne e pame kur i ra telefoni para 2-3 ditësh, e pa kunata por nuk tregoi se kishte burrin atje. I ra 2 herë në tel, por ne nuk folëm. E merrte jashtë fshatit vajzën, e gënjente, i jepte lek”, tha nëna e të miturës.

LEXONI GJITHASHTU:

• “E kishte kërcënuar”/ Flet nëna e të miturës që u ngacmua seksualisht nga 64-vjeçari
• Bërnabiç: Propozimi i një rezolute për Srebrenicën është një “farsë”