Poetja 12-vjeçare, Ambra Alimeta promovon librin e saj të parë

Vetëm 12 vjeçe, Ambra Alimeta është autorja më e re në moshë në Elbasan, e cila sapo ka promovuar librin e saj të parë, “Sekretet nën rrënojat e qytetit”. Ambra nxënëse e klasës së gjashtë spikat si një  vajzë me talent të veçantë në letërsi.

Libri i saj vjen si një risi në letërsinë shqipe për brezin e ri, duke cekur nëpërmjet poezive, tema që kërkojnë guxim për t’u trajtuar, si dashuria për familjen, prindërit, apo edhe e vërteta dhe shpresa. Por si nisi lidhja e saj me librin në një moshe fare të vogël, e tregon vetë ajo.

“Ajo që me ka lidh me librin janë poezitë e shkrimtarëve të tjerë tepër të njohur dhe të mëdhenj, shumicën e të cilave unë i kam intepretuar. Gjë qe ma ka bërë të kem një lidhje me librin dhe me ka frymëzuar për të shkuar. Kur nise të shkruash rreshtat e para? Mendoj që diku në moshën  10 vjeçe kam nis të shkruaj por jo ne mënyrë perfekte, ende se kam arrit prefeksionin sigurisht”, -tha Ambra Alimeta, autore e librit “Sekretet nën rrënojat e qytetit”.

12-vjeçarja tregon përse e vendosi ketë titull dhe kush janë mesazhet që është munduar të përcjellë.

“Ja kam vënë titullin kështu për shkak të një tregimi i cili është me i gjati dhe flet për një qytet që rrënohet si pasojë e disa ngjarjeve zinxhir të shkaktuara nga gabimet e njëpasnjëshme të shumë njerëzve. Duke përshkuar sesi gabimet e vogla qe ne bëjmë e themi ndikojnë çdo ditë. Pra është një libër me mesazhe kush janë mesazhet kryesore? Që gënjeshtra  ka shumë pasoja, sakrificat e prindërve, ne duhet të vlerësojmë çdo të mire që na vjen ne jete. Ky është libri jot i parë, do vazhdosh të shkruash libra të tjerë? Nuk e di shpresoj të vazhdoj kështu.”

Përveç përmbajtjes fantastike autorja, edhe pse mjaft e re në moshë, shfaq një leksik jashtëzakonisht të pasur që i tejkalon kufijtë e normales për brezin e saj, shprehet Klevis Balliu profesori qe pikasi talentin e Ambrës.

LEXONI GJITHASHTU:

• Igli Tare shkon te Milani, zbulohen detaje nga kontrata: Sa do të jetë paga vjetore
• Kallas mbyll në Mitrovicë vizitën në Kosovë: Erdha për të parë me sytë e mi situatën