Pogradec, dy aksidente në një hark të shkurtër kohor, një i vdekur dhe një i plagosur

Dy aksidente rrugore janë regjistruar pasditen e kësaj të marte në Pogradec, brenda një harku të shkurtër kohor. Paraprakisht dyshohet se reshjet e shiut dhe lagështia në rrugë kanë ndikuar në humbjen e kontrollit të mjeteve.

Aksidenti i parë ka ndodhur në Qafë Pllocë, në aksin e ri rrugor, ku drejtuesi i makinës ka humbur kontrollin e mjetit dhe është përplasur me barrierat anësore të rrugës.

Si pasojë e përplasjes, shoferi ka mbetur i plagosur rëndë dhe është transportuar me urgjencë në Spitalin Bashkiak të Pogradecit ku dhe ka humbur jetën.

Ndërkohë, një tjetër aksident është regjistruar në aksin Pogradec–Lin, pranë fshatit Pojskë. Sipas informacioneve paraprake, nga përplasja ka humbur jetën një 32-vjeçar.

“Drejtuesi i mjetit Amarildo Islamaj është 32 vjeçari nga Vlora i cili ka humbur kontrollin e mjetit duke u përplasur me barrierat mbrojtëse të rrugës në të dy krahët e saj. Goditja ka qenë shumë e fortë dhe shoferi ka marre dëme të mëdha, që i kanë shkaktuar humbjen e jetës. Grupi hetimor po punon për sqarimin e plotë të rrethanave dhe shkakut të aksidentit.”, njofton policia.

Policia dhe grupet hetimore kanë mbërritur në të dyja vendngjarjet dhe po punojnë për zbardhjen e rrethanave të aksidenteve.