Një zjarr ka shpërthyer pasditen e sotme në një magazinë të vogël në lagjen nr. 4 të qytetit të Pogradecit, rreth orës 13:40. Në ambientet e magazinës mësohet se jetonte një person i pastrehë, i cili në momentin e shpërthimit të flakëve, u nxor në kohë nga zjarrfikësit dhe fatmirësisht nuk ka pësuar lëndime.
Sipas informacioneve paraprake, dëmet janë vetëm materiale, pasi zjarrfikësit mbërritën shpejt në vendngjarje dhe bënë të mundur neutralizimin e flakëve, duke parandaluar përhapjen e zjarrit në objektet përreth.
Magazinat ndodheshin në një oborr banese, pranë ndërtesave të tjera, duke rrezikuar sigurinë e tyre.
Aktualisht, grupi hetimor është në vendngjarje dhe po punon për zbardhjen e shkaqeve të zjarrit dhe nuk konstatojnë për ndonjë zjarrvënës të qëllimshëm.
LEXONI GJITHASHTU:
- Viktima e 61-të e tragjedisë në Koçan, ndërron jetë një pacient tjetër
- “O Ilaria ime ku je”- Shpërthen në lot e ëma e 22-vjeçares që u vra nga i dashuri
