Pogradeci pa qendër ditore për afro 12 mijë pensionistë

Edhe pse temperaturat janë nën zero prej ditësh në Pogradec, sërish dëgjohen zhurmat e gurëve të dominosë.

Të moshuarit janë të detyruar të qëndrojnë jashtë në të ftohtë, pasi nuk kanë një strehë sociale ku mund të argëtohen.

“Kemi ca ftohtë por s’kemi ç’të bëjmë. Edhe në shtëpi s’kemi ç’bëjmë. Nuk kemi asnjë vend tjetër, e për të dalë jemi zor,” – u shpreh një i moshuar.

“Këtu mblidhemi për domino. Luajmë. Vend tjetër s’ka jo. Kur është ftohtë në klub, bashkia s’ka ndërtuar jo. Veç këtë ka bërë,” – tregoi një tjetër.

Ndryshe nga Kolonja, Maliqi e Korça në Pogradec ende nuk është ndërtuar një qendër ditore për moshën e tretë, çka është domosdoshmëri për këtë qytet të ftohtë, me afro 12 mijë pensionistë.

LEXONI GJITHASHTU:

• Sekuestrohen 39 kamera sigurie në Korçë e Pogradec, 9 persona nën hetim
• Sekuestrohen 58 kamera sigurie në Korçë, Pogradec e Krujë, disa persona nën hetim