Tirana është veshur këtë të enjte, 28 nëntor, me ngjyrat kuqezi, ku po mbahet Parada e Shqiptarëve me pjesëmarrës nga diaspora, vendi dhe rajoni.

I pranishëm në paradë ishte edhe Lirim Krama, një shqiptar nga diaspora, i cili punon si oficer policie në SHBA. I veshur me uniformën e policisë amerikane, ai ndau emocionet e tij për Ditën e Pavarësisë në një intervistë për Euronews Albania.

Krama tha se ndjen kënaqësi të madhe që është pjesë e festimeve në Shqipëri. Ai theksoi se, edhe pse jeton prej 45 vitesh në SHBA, ruan me përkushtim traditat dhe zakonet shqiptare.

“Kam 45 vite që jam në SHBA. Jam në shërbim të policisë amerikane që prej 23 vitesh. Vjet kemi festuar në New Jersey. Është kënaqësi e madhe të jem këtu ku janë rrënjët e çështjes shqiptare. Jam tepër i emocionuar, kudo që shoh janë ngjyrat kuqezi. Ne që jemi larg vendlindjes jetojmë me shpresën që të kthehemi prapë. Krejt zakonet dhe traditat i zbatojmë në SHBA. Ne vijmë çdo vit këtu për pushimet verore, ndoshta kthehemi të jetojmë pas pensionimit,” tha ai.

LEXONI GJITHASHTU:

• Politika uron Ditën e Pavarësisë: Rama shpërndan videon, Meta mesazh nga burgu
• 112-vjetori i Pavarësisë, ngrihet në New York Flamuri ynë kombëtar