Policia ende në ndjekje të personit që qëlloi policin, kërkimet shtrihen në 4 qytete

Edhe pse kanë kaluar disa orë nga plagosja me armë e efektivit të “Shqiponjave” Edlir Alleshi, policia është ende në ndjekje të autorit të krimit, 42-vjeçarit Klerent Bozhanaj.

Përmes një komunikate për media, policia bën me dije se kërkimet janë zgjeruar dhe në tre qytete të tjera përveç Tiranës.

Bëhet me dije se janë kontrolluar dhjetëra banesa në qytetet e Elbasanit, Durrësit dhe Vlorës.

Ndërkohë që policia i bën apel të gjithë qytetarëve që mund të kenë informacion, të raportojnë në numrat e telefonit e vënë në dispozicion. Kushdo që jep informacion që mund të çojë në kapjen e autorit do të marrë një shpërblim prej 20 mijë euro.

“DVP Tiranë falënderon qytetarët, për informacionet e dhëna deri tani, të cilat janë duke u verifikuar nga Policia. Policia kërkon vijimin e bashkëpunimit, duke ftuar qytetarët që të japin informacion për autorin e kësaj ngjarjeje dhe vendos shpërblim 20 000 euro, për çdo informacion të vlefshëm, që do të çojë në kapjen e tij”, thuhet në njoftimin e policisë.

LEXONI GJITHASHTU: 

• Policia: 20 mijë euro për këdo që jep informacion për autorin që plagosi efektivin
• FOTO/ Ky është 42-vjeçari që plagosi me armë zjarri efektivin e “Shqiponjave”