Policia franceze hyn në Marsejë, operacion masiv kundër drogës dhe dhunës
Qeveria franceze ndërmori një operacion masiv policor këtë javë, për të dëbuar trafikantët dhe përdoruesit e drogës nga Marseja.
Nga 700 deri në 1 mijë oficerë të policisë, xhandarmërisë dhe doganave janë vendosur në qytetin jugor të Francës, në lagjet veriore të të cilit shumë të rinj jetojnë duke shpërndarë drogë.
Banorët jetojnë me dhunën e përditshme, fundi i të cilës duket larg.
“Banorët ndihen të lehtësuar teksa shohin praninë dhe operacionet e policisë për të frenuar drogën. Por a do mund të zgjidhet gjithçka në tre javë? A do të jetë kjo nismë e mjaftueshme? Ne nuk jemi të sigurt”,-tha Karima Meziene, nënë e viktimave të dhunës.
Operacioni policor në Marsejë ka bërë që bandat të kërkojnë vende të reja për të shitur drogën, për shembull Belgjikën.
“Stili marsejez i trafikut të drogës është përhapur në gjithë Francën dhe madje në Evropë, sepse edhe Belgjika është prekur prej tij. Është një metodë tipike e Marsejës e cila është kopjuar, edhe pse në disa raste janë vetë qytetarë nga Marseja që përpiqen të marrin drejtimin e rrjeteve të drogës”,-tha Rudy Manna, zëdhënës i sindikatës së policisë në Francë.
Në qytetin e dytë më të madh të Francës, trafiku i drogës ka çuar në krijimin e një vorbulle dhune që vitin e kaluar la 50 të vdekur.
LEXONI GJITHASHTU:
Alarm në SHBA, paraziti mishngrënës gjendet te një viç në Teksas! Ishte zhdukur prej vitesh
Sulm ndaj një ekipi shëndetësor në Kongo, autoritetet të shqetësuara për përhapjen e Ebolës
Ishte nisur nga Gjermania, rrëzohet një aeroplan i vogël në Kroaci! Humbin jetën 4 persona
- 15:50 Mrekulli në Everest, udhërrëfyesi nepalez gjendet i gjallë pas gjashtë ditësh i zhdukur
- 15:48 Alarm në SHBA, paraziti mishngrënës gjendet te një viç në Teksas! Ishte zhdukur prej vitesh
- 15:39 I biri vrau një polic dhe plagosi një tjetër, merret në pyetje nga autoritetet nëna e Violand Braçellarit
- 15:32 “Braçellari, emër shumë i njohur në Korçë”, Artan Hoxha: Dhjetëra operacione për ta arrestuar
- 15:32 Sulm ndaj një ekipi shëndetësor në Kongo, autoritetet të shqetësuara për përhapjen e Ebolës
- 15:23 Grabitën 15 tonë kokainë, Artan Hoxha: Karteli jep 30 milionë dollarë për t’i gjetur