Policia: Njoftuam edhe KFOR-in, të bëhet presion për lirimin e policëve të rrëmbyer

Zëdhënësi i Policisë së Kosovës, Baki Kelani, ka thënë se në thellësi të territorit të Kosovës ka ndodhur një rrëmbim klasik nga forcat serbe. Ai ka mohuar se zyrtarët policor të rrëmbyer mesditën e sotme kanë qenë të njësive speciale. Sipas tij, zyrtarët kufitar kishin parë persona të dyshuar, të maskuar e të armatosur.

Në një konferencë të jashtëzakonshme, ai ka shtuar se për këtë rrëmbim kanë njoftuar edhe KFOR-in, në mënyrë që të bëhet presion që zyrtarët policorë të lirohen.

Ai gjithashtu ka shfaqur edhe një hartë se ku ka qenë e stacionuar njësia policore.

Tre zyrtarët policorë të rrëmbyer, Kelani ka thënë se kanë qenë në një pikë statike duke parandaluar krimin, kontrabandën dhe futjen e gjërave ilegale në territorin e Kosovës.

Një rrëmbim i tillë nga forcat serbe të cilat dëshirojnë të mbajnë të destabilizuar Kosovën, siç ka theksuar Kelani, ka ndodhur edhe në vitin 2011 me rrëmbimin e dy zyrtarëve policor.

LEXONI GJITHASHTU:

• Ish-ambasadori Ukshini: Marrëdhënia Kosovë-Shqipëri, ç’po ndodh të pikëllon
• Policia e Kosovës konferencë të jashtëzakonshme për mediat: Ja ku mashtroi Serbia