Policia publikon foton e të dyshuarit për vrasjen në Paskuqan, 10 mijë euro shpërblim për kapjen e tij
Drejtoria Vendore e Policisë Tiranë ka publikuar foton e shtetasit Sadik Llani, i dyshuar si autor i vrasjes së një 27-vjeçari, ngjarje e ndodhur këtë të hënë në Paskuqan.
Përmes një apeli publik, policia u ka kërkuar qytetarëve të Kamzës dhe zonave përreth të tregojnë kujdes të shtuar, pasi i dyshuari konsiderohet person me rrezikshmëri të lartë shoqërore dhe dyshohet se është i armatosur.
Sipas policisë, për lokalizimin dhe kapjen e tij janë angazhuar Forca Kombëtare e Sigurisë “RENEA”, strukturat operacionale të Policisë së Shtetit, si dhe shërbimet e Drejtorisë Vendore të Policisë Tiranë, të cilat po vijojnë kontrollet intensive në terren.
Policia u bën thirrje qytetarëve që, nëse e konstatojnë këtë shtetas ose disponojnë informacion mbi vendndodhjen e tij, të mos ndërhyjnë në asnjë mënyrë, por të njoftojnë menjëherë autoritetet në numrin 069 41 05 735 ose në numrin pa pagesë 112.
Drejtoria Vendore e Policisë Tiranë ka vënë gjithashtu në dispozicion një shpërblim prej 10 mijë eurosh për çdo informacion të saktë që do të çojë në lokalizimin dhe kapjen e autorit të dyshuar.
Policia garanton ruajtjen e plotë të konfidencialitetit për çdo informacion të dhënë nga qytetarët.
Sadik Llani dyshohet si autor i vrasjes së 27-vjeçarit, Ardian Baloshi këtë të hënë pas një sherri për motive të dobëta.

Sadik Llani
Të shtëna me armë në Velipojë, policia jep detajet e para
U vra pas një konflikti në Kamëz, ky është 27-vjeçari që u nda nga jeta (FOTO)
Vrau 27-vjeçarin pas konfliktit për një lojë kalçeto, ky është autori i shpallur në kërkim (FOTO)
- 15:12 Deklaratatat e Ramës për ndërhyrje të jashtme në protestat kundër projektit në Zvërnec, reagon zyrtarisht Irani
- 14:43 Të shtëna me armë në Velipojë, policia jep detajet e para
- 14:41 Berisha: PD mbështet protestat rinore dhe kërkon dorëheqjen e Ramës
- 14:38 U vra pas një konflikti në Kamëz, ky është 27-vjeçari që u nda nga jeta (FOTO)
- 14:35 Osmani pas procesit zgjedhor në Kosovë: Emri im nuk do të bëhet pengesë në krijimin e institucioneve
- 14:23 Irani “i jep fund” sulmeve ndaj Izraelit, paralajmëron përgjigje “shkatërruese” nëse vazhdojnë sulmet në Liban