Policia refuzon kërkesën e PD për protestë: Bëjeni jashtë perimetrit të sigurisë

Policia ka ndaluar kërkesën e Sali Berishës për të zhvilluar protestë më 6 dhjetor, ditën kur në Tiranë organizohet samiti me liderët e BE.

Policia thotë se në fashën e kërkuar nga PD për të zhvilluar tubimin, aksi cilësohet perimetër sigurie nga ora 12:00 deri 16:00.

Në shkresën drejtuar përfaqësuesit të PD, policia lë të kuptohet se sugjeron zhvillimin e protestës në një vend ku nuk është përcaktuar perimetër sigurie për samitin.

Sipas policisë, perimetri i sigurisë është përcaktuar së bashku me strukturat e sigurisë të delegacioneve pjesëmarrëse në samit.

“PD është parti e shtetit ligjor, ka njoftuar policinë. Kushtetuta dhe Gjykata Kushtetuese kanë vendosur dhe është krejtësisht e panevojshme autorizimi nga Policia. Por ne kemi njoftuar. Cila është përgjigja është e vetëkuptueshme, ajo që i dikton Edi Rama, i cili u bëri gjithçka dhe kujtoi se me këtë rast do të shfrytëzojë samitin për të shtypur të drejtat dhe liritë e popullit opozitar. Ne e parashikuam këtë gjë, ndaj edhe thirrëm protestën”, ishte përgjigjja e kryetarit të PD Sali Berisha, i pyetur sot nga Euronews Albania lidhur me këtë çështje.

LEXONI GJITHASHTU:

• S’ka lidhje me ndërkombëtarët, Spahiu: Ja pse protesta e PD është lënë në 6 dhjetor
• ‘Protesta e PD jo kundër evropianëve’, PD: Rama shpif për të mbuluar korrupsionin