Policia suedeze po heton racizmin si motivin e mundshëm të masakrës në shkollë

Policia në Suedi po heton nëse të shtënat më të rënda masive në vend ishin të motivuara raciale, pasi u zbulua se njerëz të kombësive të ndryshme, përfshirë sirianë, ishin në mesin e 11 viktimave të vrarë nga një person i armatosur në një qendër edukimi të të rriturve të martën.

Anna Bergqvist, e cila drejton hetimin e policisë, tha se në mesin e të vdekurve kishte njerëz të “nacionaliteteve, gjinive dhe moshave të ndryshme” në Kampusin Rysbergska, një qendër arsimore për të rritur në qytetin e Örebro.

I pyetur nga gazetarët nëse kishte prova të një motivimi racist për sulmin, Bergqvist tha: “Ne po hetojmë të gjitha pjesët”.

Ambasada siriane në Stokholm tha se shtetasit e tyre ishin mes të vdekurve.

LEXONI GJITHASHTU:

• Me probleme psikike, kush është autori i sulmit me 11 viktima në Suedi
• Sulmi me 11 të vrarë në Suedi, flamujt e BE-së ulen në gjysmështizë