Policia zbulon një shtëpi bari në Kukës

Policia ka zbuluar një banesë ku kultivohej kanabis në Kukës.

Si pasojë, policia ka shpallur në kërkim pronarin e banesës dhe bashkëpunëtorin e tij, të cilët kishin përshtatur banesën për të kultivuar kanabis në kushte laboratorike me anë të llambave.

Banesa ndodhet në lagjen nr. 3 në Kukës.

Policia ka gjetur në banesë dhe sekuestruar 934 fidanë kanabis të kultivuar në gota plastike, llamba elektrike, aspiratorë dhe aksesorë të tjerë që shërbejnë për ngrohje.

Në momentin e ndërhyrjes, policia nuk ka gjetur njeri në banesë, e më pas ka shpallur në kërkim dy personat e dyshuar, pronarin e shtëpisë K.H., 51 vjeç dhe bashkëpunëtorin e tij, S.H., 28 vjeç.

Prokuroria e Kukësit po kryen procedurat përkatëse lidhur me çështjen.

LEXONI GJITHASHTU:

• Zviceranëve do t’iu lejohet të blejnë dhe konsumojnë kanabis por me një kusht
• Rama lë të hapur mundësinë e legalizimit të kanabisit për përdorim vetjak