Policja nga Kosova që luftoi kundër terroristëve në Vjenë të Austrisë

Mes shumë punonjësve të Policisë që u përplasën me terroristët në Vjenë është edhe një shqiptare e Kosovës. Lajmi e ka bërë të ditur ambasadori i Kosovës në Gjermani, Beqë Cufaj, i cili ka thënë se është krenar për mbesën e tij, Dourontina Miroci.

Sipas tij, ajo ka marrë pjesë në operacionin për të ndaluar terroristët mbrëmjen e djeshme në kryeqytetin e Austrisë, Vjenë.

“Krenar me mbesën time Doruntina Miroci, e cila ka luftuar përkrah policisë austriake kundër sulmeve të tmerrshme terroriste në Vjenë. Bashkë mund të qëndrojmë të fortë”, ka shkruar ai në Twitter.  

Proud of my niece #DoruntinaMiroci to see her fighting alongside #Austrian police the horrible terrorist attack in #Vienna . Together we can stay strong! ⁦@LPDWien⁩ #WeStandWithAustria ?????? pic.twitter.com/stny2dCYUE

— Beqë Cufaj (@beqecufaj) November 3, 2020

Autoritetet vjeneze kanë raportuar se si pasojë e sulmit kanë humbur jetën katër persona, ndërkohë 22 të tjerë kanë mbetur të plagosur.

I dyshuari kryesor i sulmit terrorist në Austri dyshohet të jetë një 20-vjeçar me orgjinë nga Tetova e Maqedonisë së Veriut, Kujtim Fejzullahu, i cili u qëllua për vdekje nga Policia austriake.