Politikani i preferuar| Mavros: Liderët e vjetër do përballen me probleme të mëdha!

Në emisionin “Barometri” këtë të martë, u zhvilluan matjet e dyta zgjedhore ne lidhje me pëlqyeshmërinë që kanë liderët e partive kryesore politike 2 muaj përpara zgjedhjeve, ku kryeson kryeminsitri Rama, duke vijuar me Adriatik Lapajn, më pas Agron Shehaj dhe i katërti renditet Sali Berisha.

Dimitris Mavros, President i kompanisë MRB, ka theksuar se cilët politikanë kanë përqindje më të lartë negative në lidhje me popullaritetin. Ai shton më tej se këta lider politikë kanë gjasa të përballen me probleme të mëdha.

“Megjithëse PD-ja del partia e dytë si më e preferuara për kryeministër dhe kemi bërë pytjet mbi përshtatshmërinë, në lidhje me popullaritetin e Berishës, është e dukshme se ai është i katërti dhe çfarë është më e rëndësishme, është se përgjigjiet negative për të janë afër 66%,  teksa Rama është 47% dhe pjesa tjetër kanë përqindje më të larta në lidhje me përgjigjet ‘neutrale’ ose ‘nuk e di’. Nëse ndiqni përgjigjet negative, shikohet se Berisha, Basha dhe Meta kanë përqindje të larta negative në lidhje me popullaritetin.

Indikacioni këtu është që liderët e vjetër do të përballen me probleme të mëdha edhe pse nuk e dimë se si do të zhvillohen ngjarjet deri më 11 maj. Por kjo është e dukshme dhe cilado qoftë pyetja, Rama është ende kandidati fitues në lidhje me shifrat dhe opinionin”, tha Mavros.

LEXONI GJITHASHTU:

• Barometri| Cili është kryeministri dhe partia që duhet të drejtojnë pas 11 majit?
• Cili politikan pëlqehet më shumë 2 muaj përpara zgjedhjeve. Barometri matja e dytë