Polonia blen raketa me rreze të gjatë veprimi nga SHBA për 735 milionë dollarë

Zëvendëskryeministri dhe Ministri i Mbrojtjes i Polonisë, Wladysław Kosiniak-Kamis do të nënshkruajë nesër një kontratë me qeverinë amerikane për blerjen e raketave të lundrimit me rreze të gjatë veprimi JASSM-ER, njoftoi Ministria e Mbrojtjes polake.

Blerja e raketave AGM-158 JASSM-ER rrjedh nga nevoja për të rritur sasinë e armëve të këtij lloji në Forcat e Armatosura Polake, thuhet në faqen e internetit të Ministrisë së Mbrojtjes.

Lufta në Ukrainë ka treguar se sa e rëndësishme është goditja e objektivave që janë edhe shumë larg vijës së frontit, dhe rrezja e raketave që do të prokurohen është afërsisht 1000 kilometra, thuhet në deklaratë.

Vlera e kontratës me qeverinë amerikane është rreth 735 milionë dollarë.

Dorëzimi do të kryhet nga viti 2026 deri në vitin 2030, thuhet në njoftim.

LEXONI GJITHASHTU:

• Polonia arreston 12 të dyshuar për sabotazh, paralajmëron akte armiqësore nga Rusia
• 2.5 mld $ për sigurinë, Polonia rrit mbrojtjen në kufi me Rusinë dhe Bjellorusinë