Poriteri i Interit Martinez, godet për vdekje një 81-vjeçar në Fenegro

Rreth orës 9:40 të mëngjesit të kësaj të marte, një burrë 81-vjeçar, i cili po lëvizte me një karrocë elektrike me rrota, u godit për vdekje nga makina që drejtohej nga portieri i dytë i Interit, Josep Martinez, i cili po shkonte në ‘Appiano Gentile’ për stërvitje.

Tragjedia ndodhi mëngjesin e kësaj të marte në Fenegro, në provincën e Comos.

Sipas informacioneve, i moshuari në karrocë mund të ketë ndryshuar drejtim në mënyrë të papritur duke i prerë rrugën automjetit të drejtuar nga futbollistit zikaltër.

Ndërkohë, Martinez i padëmtuar, ndaloi menjëherë për të ofruar ndihmën e parë.

Rrugët u mbyllën përkohësisht për të lejuar operacionet e shpëtimit, por i moshuari e gjeti vdekjen në vend. Sakaq, një furgon i Interit, që mbante anëtarë të tjerë të ekipit, mbërriti gjithashtu në vendngjarje.

Pas këtij aksidenti, Interi ka vendosur të anulojë konferencën për shtyp të trajnerit Chivu të planifikuar për sot. Ndërkohë, Martinez nuk do të jetë në stol nesër në mbrëmje për ndeshjen kundër Fiorentinës.

LEXONI GJITHASHTU:

• Como siguron shërbimet e Moratës, Inigo Martinez largohet nga Barcelona
• Shuma marramendëse, Arsenali gati të paguajë 120 milionë euro për Lautaro Martinez