Porta ishte e hapur, dinamika e atentatit në Larushk: Në banesë u futën 3 autorët

Detaje të reja janë zbardhur nga atentati në Larushk.

4 persona dyshohet se kanë qenë autorët e ekzekutimit të ish-policit të burgjeve, Gentjan Bejtja.

Me automjetin tip ‘Land Rover’ fuoristradë ngjyrë e bardhë ata kanë ardhur nga zona e Fushë-Krujës në drejtim të fshatit Larushk.

Rreth orës 16:20 minuta autorët janë futur në rrugicën ku ndodhet banesa e Gentjan Bejtjës.

Mjetin e kanë afruar deri në afërsi të portës kryesore dhe dyshohet se 3 persona të maskuar dhe me veshje të zeza kanë zbritur nga makina, ndërsa personi tjetër i ka pritur në makinë.

Porta kryesore ka qenë e hapur dhe një gjë e tillë i ka ndihmuar autorët të futen direkt në oborr.

Policia në vendin e ngjarjes ka gjetur rreth 50 gëzhoja kallashnikovi.

Objektivi ka qenë në pjesën e pasme të shtëpisë kur është qëlluar me breshëri kallashnikovi.

Autorët pasi kanë qëlluar në drejtim të 43-vjeçarit kanë lëvizur në drejtim të fshatit Hasan vetëm pak metra vendit të ngjarjes dhe kanë djegur makinën.

Dyshohet se janë pritur nga një tjetër mjet i cili i ka larguar nga zona.

 LEXONI GJITHASHTU: 

• U ekzekutua në oborrin e banesës, kush është Gentjan Bejtja. I shpëtoi 3 atentateve
• Ekzekutimi i Gentjan Bejtja, gjenden 50 gëzhoja në vendngjarje, si u vra 43-vjeçari