Portieri 18-vjeçar shqiptar transferohet nga Dinamo te Eintrahti i Frankfurtit

Portieri Simon Simoni ka hedhur një hap të madh në karrierën e tij futbollistike. 18-vjeçari i cili ishte pjesë e skuadrës së Dinamos është transferuar në Bundesligën gjermane, ku do të mbrojë portën e gjigantëve të Eintraht Frankfurt.

Fillimisht pjesë e akademisë së Shënkollit dhe më pas u transferua tek nëndetësja, ku iu besua formacioni i titullarit.

Pas dy sezonesh tek kryeqytetasit, tashmë Simoni do të provojë veten tek një nga ligat më të forta në botë dhe me një skuadër e cila ka fituar Europa Ligën në sezonin e shkuar.

Transferimi i Simonit është konfirmuar në rrjetet sociale të të dyja skuadrave, ndërkohë prej kohësh pritej një largim i të riut nga 18 herë kampionët e vendit. Kontrata me gjermanët e mban Simonin me këtë skuadër deri në 30 qershor të 2027-ës.

Ky hap i madh në karrierën e futbollistit nga Lezha i jep atij më tepër siguri për të gjetur vendin në kombëtaren A.

Simoni ka zhvilluar 21 paraqitje për kombëtaren U21, ndërkohë u thirr në muajin qershor dhe nga ish-trajneri i kuqezinjve, Edoardo Reja.

LEXONI GJITHASHTU

• ‘Kemi ADN-në e Real Madridit’, Modriç: Do japim gjithçka në sfidën ndaj Argjentinës
• Edhe Portugalia do të mbetet pa trajner
• Arbitrimi në përballjen Argjentinë-Holandë, gjyqtari Lahoz dënohet nga FIFA