Posterat e Këlliçit, Berisha: Kush vjedh meriton jo gishtin, por shumë më tepër

Posteri elektoral i kandidatit të koalicionit “Bashkë Fitojmë”, Belind Këlliçi, ku ai i drejton gishtat e mesit korrupsionit, është kthyer në qendër të debatit politik ditët e fundit.

Në lidhje me posterat ka reaguar dhe ish-kryeministri Berisha i cili tha gjatë një deklarate për media këtë të martë se ata që vjedhin qytetarët, meritojnë jo gishtin, por shumë herë më tepër.

“Ata që vjedhin qytetarët, meritojnë çdo formë diskreditimi. Ata që vjedhin qytetarët dhe mbrohen nga Edi Rama dhe drejtësia e tij, atë e kanë pak. Meritojnë çdo gjë tjetër. Çdo njeri duhet të marrë parasysh, një njeri ka imagjinatën e vet dhe shprehjen e vet. Po të isha unë, ku e di ç’mund të zgjidhja unë. Ajo më duket pak bile, të them të vërtetën.

Dënoj me ashpërsinë më të madhe manipulimin mediatik të atyre mafiozëve që flasin në emër të myftive, anonimë. Dënoj ndërhyrjen e George Soros dhe parave të tij në fushatë, sepse rrjeti i organizatave të Sorosit, pasi e sheh se Erion Veliaj po përfundon aty ku e meriton, po hiqet si i revoltuar. Erion Veliaj është i përfunduar. Përdorimi i parave të Sorosit nga këto organizata, nga ndërhyrja e tyre kriminale në fushatë elektorale, është e dënueshme”.

LEXO GJITHASHTU:

• “Duart e Belos”, Qafoku komenton posterat e Këlliçit: Në sport do dilte me të kuq
• Debati për posterat fyes, Rama: Kukull! Këlliçi: Luftoj korrupsionin pa etikë